webadmin – Page 2 – Point Pedro Urban Council

உள்ளுராட்சி வார, தேசிய வாசிப்பு மாத பரிசளிப்பு நிகழ்வு 11.04.2024

Posted on April 13, 2024April 13, 2024 by webadmin

2023ம் ஆண்டுக்கான உள்ளூராட்சி வார மற்றும் தேசிய வாசிப்பு மாத பரிசளிப்பு விழா இன்று (11.04.2024) நகரசபை மாநாட்டு மண்டபத்தில் நடைபெற்றது. இந் நிகழ்விற்கு நகரசபை செயலாளர் திருமதி.தாரணி கஜரூபன் அவர்கள் தலைமை தாங்கினார். இந் நிகழ்வில் சிறப்பு விருந்தினர்களாக வடமராட்சி வடக்கு பிரதேச செயலாளர் திரு.சி.சத்தியசீலன் அவர்களும், வடமராட்சி வலயக் கல்வி அலுவலக பிரதிக்கல்விப் பணிப்பாளர் திரு.மோ.தெய்வேந்திரா அவர்களும் கலந்து சிறப்பித்தனர். ஆத்தியடி முன்பள்ளிச் சிறார்களின் சிறப்பான மேலைத்தேய இசையுடன் (பான்ட் வாத்தியம்) விருந்தினர்கள் மற்றும் அதிதிகள் அழைத்து வரப்பட்டனர். இந்நிகழ்வில் சிறப்பு விருந்தினர்கள்,சிறந்த நாடகக் கலைஞர்கள் மற்றும் சமூக ஆர்வலர்கள் கௌரவிக்கப்பட்டார்கள். அத்துடன் தேர்ந்தெடுக்கப்பட்ட சிறந்த வரி இறுப்பாளர், சிறந்த வாழ்வாதாரப் பயனாளி, சிறந்த ஊழியர்கள் மற்றும் அதிகளவான ஆதன வரியினை அறவிட்டுத் தந்த நடுக்கட்டு உத்தியோகத்தர் ஆகியோர் பாரட்டுக்களையும் பரிசில்களையும் பெற்றனர். தேசிய வாசிப்பு மாதத்தினை முன்னிட்டு தரம்-01 தொடக்கம் தரம்-12 வரையான பாடசாலை மாணவர்களுக்கு நடாத்தப்பட்ட போட்டிகளில் வெற்றி பெற்ற மாணவர்களுக்கான சான்றிதழ்களும் பரிசில்களும் வழங்கி வைக்கப்பட்டன. அத்துடன் உலக மண் தினத்தை முன்னிட்டு நடாத்தப்பட்ட போட்டிகளில் பங்குபற்றிய மாணவர்களுக்கும் சான்றிதழ்களும் பரிசில்களும் வழங்கப்பட்டன. 2023ம் ஆண்டுக்கான உள்ளூராட்சி வார மற்றும் தேசிய வாசிப்பு மாத பரிசளிப்பு விழாவில் உள்ளூராட்சி வாரத்தினை முன்னிட்டு சனசமூகங்களுக்கிடையே நடாத்தப்பட்ட போட்டிகளில் வெற்றி பெற்ற சனசமூக நிலையங்களுக்கு வெற்றிக் கேடயம், சான்றிதழ்கள் மற்றும் பரிசில்களும் வழங்கி வைக்கப்பட்டன.

FARM TO GATE இணைய செயலியை, கௌரவ ஜனாதிபதி ரணில் விக்கிரமசிங்க அவர்கள் 22.03.2024 அன்று அங்குரார்ப்பணம் செய்துவைத்தார்.

Posted on March 24, 2024March 24, 2024 by webadmin

வடக்கு மாகாண கௌரவ ஆளுநர் பி.எஸ்.எம்.சார்ள்ஸ் அவர்களின் வழிகாட்டுதல்களுக்கு அமைய வடிவமைக்கப்பட்ட யாழ்ப்பாணம் ஒட்டகப்புலம் பகுதியில் ஏற்பாடு செய்யப்பட்ட விசேட நிகழ்வின் போது இந்த இணைய செயலி மக்கள் மயப்படுத்தப்பட்டது. இவ் இணைய செயலியை பயன்படுத்த www.farmtogate.org எனும் முகவரிக்குள் உள்நுழையலாம்.

வடக்குமாகாண 34 உள்ளுராட்சி மன்றங்களுக்குமான இணையத்தளங்களினை வெளியிடும் நிகழ்வு -01.03.2024

Posted on March 3, 2024March 3, 2024 by webadmin

வடக்குமாகாண 34 உள்ளுராட்சி மன்றங்களுக்குமான இணையத்தளங்களினை கௌரவ ஆளுநர் அவர்களினால் வைபவரீதியாக வெளியிடும் நிகழ்வானது 01.03.2024ஆந் திகதியன்று பிரதம செயலாளர் செயலக கேட்போர் கூடத்தில் நடைபெற்றது. இந்நிகழ்வில் கௌரவ ஆளுநர், வடமாகாண பிரதம செயலாளர், உள்ளுராட்சி அமைச்சின் செயலாளர், UNDP-CDLG திட்ட முகாமையாளர், மாகாண இறைவரி ஆணையாளர், உள்ளுராட்சி ஆணையாளர், பிராந்திய உள்ளுராட்சி ஆணையாளர்கள், சபையின் செயலாளர்கள், இணையத்தள வடிவமைப்பில் ஈடுபட்ட உத்தியோகத்தர்கள் மற்றும் உள்ளுராட்சி திணைக்கள உத்தியோகத்தர்களும் கலந்துகொண்டனர்.

–UNDP-CDLG திட்டத்தின்கீழ் மேற்படி இணையத்தளங்கள் வடிவமைக்கப்பட்டு வெளியிடப்பட்டுள்ளன.

–ஒவ்வொரு சபைகளுக்குரிய இணையத்தளங்களினை அந்தந்த சபைக்குரிய உத்தியோகத்தரினால் வடிவமைக்கப்பட்டமை சிறப்பம்சமாகும்.

–இணையத்தளத்தினை வடிவமைப்புச் செய்த உத்தியோகத்தர்களுக்கு இந்நிழ்வில் மெச்சுரை வழங்கி கௌரவிக்கப்பட்டனர்.

–பருத்தித்துறை நகரசபைக்குரிய இணையத்தள முகவரி: pointpedro.uc.gov.lk

உக்காத திண்மக் கழிவுப் பொருட்கள் விற்பனை செய்வதற்காக கூறுவிலைகோரல்

Posted on February 26, 2024February 26, 2024 by webadmin

* உக்காத திண்மக் கழிவுப் பொருட்களாகிய பொலீத்தீன், காட்போட், பிளாஸ்ரிக் போத்தல்கள், ஏனைய பிளாஸ்ரிக் வகைகள், தகரப் பேணிகள், வெள்ளை மற்றும் நிற கண்ணாடிப் போத்தல்கள், பத்திரிகைகள் ஆகியவற்றினை விற்பனை செய்வதற்காக கூறுவிலைகள் பருத்தித்துறை நகரசபையினால் கோரப்பட்டுள்ளன.

* கூறுவிலைகள் சமர்ப்பிக்க விரும்புவோர் அதற்கான விண்ணப்ப படிவத்தினை பருத்தித்துறை நகரசபை அலுவலகத்தில் 22.02.2024 ம் திகதி பி.ப 3.00 மணி வரை பெற்றுக்கொள்ள முடியும்.

* கூறுவிலைகளை செயலாளர், நகரசபை, பருத்தித்துறை எனும் முகவரிக்கு 26.02.2024ம் திகதி பி.ப 3.00 மணிக்கு முன்னர் கிடைக்கக்கூடியவாறு பதிவுத்தபால் ஊடாகவோ நேரடியாகவோ சமர்ப்பிக்க முடியும்.

* இதற்கான பத்திரிகை விளம்பரமானது 10.02.2024ம் திகதிய தினக்குரல் பத்திரிகையில் பிரசுரிக்கப்பட்டுளளது.

வடமாகாண உள்ளுராட்சி மன்றங்களில் முதன்முறையாக அதாவது பருத்தித்துறை நகரசபையில் இன்றையதினம் 22.02.2024 online payment முறை மூலம் சபைக்குரிய ஆதனவரி செலுத்தும் திட்டமானது வைபவரீதியாக ஆரம்பித்து வைக்கப்பட்டுள்ளது.

Posted on February 22, 2024 by webadmin

வடமாகாண உள்ளுராட்சி மன்றங்களில் முதன்முறையாக அதாவது பருத்தித்துறை நகரசபையில் இன்றையதினம் 22.02.2024 online payment முறை மூலம் சபைக்குரிய ஆதனவரி செலுத்தும் திட்டமானது வைபவரீதியாக ஆரம்பித்து வைக்கப்பட்டுள்ளது. இந் நிகழ்வில் பிரதம விருந்தினராக திரு.செ.பிரணவநாதன், வடமாகாண உள்ளுராட்சி ஆணையாளர் மற்றும் சிறப்பவிருந்தினர்களாக திரு.பொ.சிறீவர்ணன், உதவி உள்ளுராட்சி ஆணையாளர், யாழ்ப்பாணம், திரு.சர்வானந்தா- CDLG-UNDP திட்டம், திரு.அத்தப்பத்து- வயம்ப அபிவிருத்தி நிறுவனம், திரு.ரத்னராஜ்- முகாமையாளர், பருத்தித்துறை இலங்கை வங்கி ஆகியோர் கலந்து சிறப்பித்தனர். பிரதம, சிறப்பு விருந்தினர்கள் முன்னிலையில் சபையின் செயலாளர் திருமதி.தாரணி கஜரூபன் அவர்களினால் online payment system அங்குரார்ப்பணம் செய்யப்பட்டது. இன்றிலிருந்து எமது சபைக்குரிய வரிகளினை www.pointpedro.uc.gov.lk எனும் இணையத்தளத்தினுள் online payment எனும் பகுதியினூடாகவே அல்லது pay.cat2020.lk எனும் முகவரியினூடாகவோ செலுத்த முடியும்.

இலங்கையின் 76வது சுதந்திர தின நிகழ்வுகள்- 04/02/2024

Posted on February 4, 2024February 4, 2024 by webadmin

இலங்கையின் 76வது சுதந்திர தின நிகழ்வுகள் எமது அலுவலகத்தில் தேசியக்கொடியேற்றத்துடன் ஆரம்பமாகியது. சுதந்திரதினத்தினை முன்னிட்டு மரநடுகை மற்றும் சிரமதான நிகழ்வுகள் நடைபெற்றது. இந்நிகழ்வில் உத்தியோகத்தர்கள் பங்குபற்றியிருந்தனர்.

உள்ளுராட்சி வாரத்தினை முன்னிட்டு சனசமூகநிலையங்களுக்கிடையே நடாத்தப்பட்ட போட்டி நிகழ்வுகள்

Posted on January 23, 2024 by webadmin

எமது சபையினால் 2023ஆம் ஆண்டுக்கான 29.12.2023 திகதியன்று கயிறுஇழுத்தல், கிாிக்கெட் போட்டிகள் நடாத்தப்பட்டது. இந் நிகழ்வின் பதிவுகளிலிருந்து…..

பருத்தித்துறை நகரசபைக்குட்பட்ட பகுதிகளில் நடமாடும் சேவை-2024 – 18.01.2024

Posted on January 19, 2024January 19, 2024 by webadmin

எமது சபையினால் ஆதனவாி நிலுவைகளை அறவிடும் நோக்கில் நடமாடும் சேவையானது 18.01.2023ஆந் திகதி V.M வீதியில் அமைந்துள்ள ஞானாலயத்தில் நடைபெற்றது. இந்நடமாடும் சேவையில் பெருமளவான பொதுமக்கள் பங்குபற்றி தமது ஆதனவாி நிலுவைகளை செலுத்தி சபைக்கு ஒத்துழைப்பு வழங்கியிருந்தனா்.

பருத்தித்துறை நகரசபைக்குட்பட்ட பகுதிகளில் நடமாடும் சேவை-2024 – 17.01.2024

Posted on January 19, 2024 by webadmin

எமது சபையினால் ஆதனவாி நிலுவைகளை அறவிடும் நோக்கில் நடமாடும் சேவையானது 17.01.2023ஆந் திகதி சதாவதானி கதிரவேற்பிள்ளை சிக்கன கடனுதவி கூட்டுறவுச் சங்கத்தில் நடைபெற்றது.

பருத்தித்துறை நகரசபைக்குட்பட்ட பகுதிகளில் நடமாடும் சேவை-2024 – 10.01.2024

Posted on January 19, 2024 by webadmin

எமது சபையினால் ஆதனவாி நிலுவைகளை அறவிடும் நோக்கில் நடமாடும் சேவையானது 10.01.2023ஆந் திகதி சுப்பா் மடம் பொதுநோக்கு மண்டபத்தில் நடைபெற்றது. இந்நடமாடும் சேவையில் பங்குபற்றி பொதுமக்கள் பயன்பெற்றனா்.